Born Javanese

Friday, May 11, 2018

Lir-ilir - Apri & Mimin

Tembang sing iki ncèn nyiamleng tenan. Kèlingan dhèk jaman isih digéndhong trus diléla-léla nang pinggir sawah! Waaa... 😁✨

https://youtu.be/_iBaRMh9lyU

Lir ilir, tanduré wus sumilir
Tak ijo royo-royo Tak sengguh temantèn anyar
Bocah angon pènèkna blimbing kuwi
Lunyu lunyu pènèkna kanggo mbasuh dodotira
Dodotira kumitir bedhah ing pinggir
Domana jrumatana kanggo séba mengko soré
Mumpung gedhé rembulané
Mumpung jembar kalangané
Gya suraka surak hayu

#lirilir #lir_ilir #ilirilir #ilir_ilir #bocahangon #cahangon

Monday, January 22, 2018

Lunging Gadhung - Céngkok Goro-goro - Ki Hadi Sugito

Lunging gadhung rumambat ing kambil gadhing.

Manuk podhang méncok ing papah gedhang

sarwi nucuk wohing klédhung.

Nyai randha anèng sendhang

mèdhak-mèdhèk ngumbah gadhung.

Kyai dhudha nyangking bendho

anutuh kayu bendha.

Jroning gedhong ana éndhang

angroncé sekar srigadhing

Yung... Biyung... nyoh putramu mongen, Biyung.

Friday, November 10, 2017

Orizha Widiasari - Suminten Edan - Lg Tembang Kangen

SINOM 'Memanismu'

Memanismu kang ngujiwat
agawé rujiting galih
Mara apa kang sinedya
upama mundhuta rukmi
tartamtu tak turuti
Ibarat wong numpak prahu
lumampah tanpa welah
ing madyaning jalanidhi
Temah gonjing anggènjong nèng pagulingan

Saksikan versi lengkap limbukan ini dalam lakon: Sesaji Raja Soya
Dalang: Ki Seno Nugroho
Video Lengkap: https://www.youtube.com/watch?v=Nr3vw...
Video Credit (jangan lupa subscribe): PWKS Live (https://www.youtube.com/channel/UC94X...)

Monday, November 06, 2017

Bawa Pucung Kebersihan

BAWA PUCUNG 'KEBERSIHAN'

BAWA:
panyuwunku
dha gatèkna piwelingku
mèlu sabiantua
program pemréntah sayekti
kebersihan ketertiban dèn tindakna

PALARAN:
resik iku
pérangan iman satuhu
mèlu sabiantua
program pemréntah sayekti
lahir batin mbudidaya adipura

LANCARAN:
kabèh baé gatèkna welingku
sing sregep lé nyapu sakiwa tengenmu
sing ruko sing bakul warung lan sing tuku
sing mlaku kudu nggugu

sing anunggang montor ja mbebuang sanggon-nggon
ngurmata sungkana nang tandang pasukan kuning
nadyanta ora menging

pakaryan kang mulya mula padha sabiantua
éling kebersihan dadi warga kang resikan
resik nyata becik saya nyengguh kesarasan

aja mung waton bisa mbebuang regetan turahan
nadyan amung dluwang ra patut disawang
sanyata larahan tegesan ra karuan

ing tengahing kutha njaba kutha nganti ndesa
sing padha tumata larahané wadhahana
ja mbuang ana kali

banyu ora mili larahan ngebaki kali
mili ora lintir tundhoné wis mesthi banjir
mula dha élinga kebersihan budayakna

Musik: Campur Sari Gunung Kidul (CSGK)
Arr.: Manthous

Tuesday, September 26, 2017

Limbukan Mbak Mimin & Mbak Apri - Ki Seno Nugroho

Thursday, September 14, 2017

Jaranan - Gendhing Dolanan Anak (PLK Yogya) - Audio

Ha mbok sumprit, tekan saiki aku durung tau numpak jaran séjéné jaran képang!

Wednesday, September 13, 2017

Gethuk - Gendhing Dolanan Anak (PLK Yogya) - Audio

Tuesday, September 12, 2017

Test Video : Jatiningsih - Progo - Pasar Kenteng - Menoreh

Monday, August 28, 2017

Bahasa Jawa ing Bandara Adisutjipto Jogjakarta

Lagi ngeh yèn pengumuman boarding ing Bandara Adisutjipto Jogjakarta uga nggunaaké basa Jawa saliyané basa Indonesia lan Inggris.

Wednesday, March 02, 2016

Jangkrik!

"Jangkrik...!!!"

Ngono kuwi biasane yen wong lagi muntapake mangkele marang wong liya utawa marang kahanan sing ditemahi.

"Matur nuwun ya, Krik, sliramu bisa ngudhari rasaning ati iki. Arepa mung nyebut jenengmu, ning emosi iki dadi rada plong!" [skd]

Grompol Mataram (Gendhing-gendhing Instrumental Jawa) - MP3

Grompol Mataram - Ldr Duda Gatik Sl Mnyr.mp3
Grompol Mataram - Ldr Grompol Mataram Sl6.mp3
Grompol Mataram - Ldr Bolong Pl6.mp3
Grompol Mataram - Ldr Fajar Manis Sl Mnyr.mp3
Grompol Mataram - Ldr Larasingrum Pl6.mp3
Grompol Mataram - Ldr Prabu Sudibyo Pl6.mp3

Tuesday, March 01, 2016

Ungak-ungak...

Wanci ngancik tengah wengi sadurunge tanggal 1 Maret 2016 lingsir, aku kok banjur dielingake marang blog sing wis suwe jan kapiran tenan iki. Eeee... idhep-idhep ibarate ungak-ungak omah sing wis suwe ditinggal lunga tanpa taliwara, wengi iki tak nulis ora ketang sak jleretan.

Postingan kari dhewe setahun kepungkur. Iku wae merga ana sing titip dhawuh nempelake video yasane sing paring dhawuh, Om Esthu, hehehe... Jan-jane akeh sing isih ngantu-antu postingan rekaman MP3 wayang Ki Hadi Sugito. Lha ning paling-paling koleksi sing tak duweni ya wis padha kagungan, kepara malah luwih komplit tinimbang gablegku! Ning jan-jane ya merga wis ora duwe koleksi pita kaset saliyane sing wis tak konversi dadi MP3. Kabeh wis tak aturake. Arep luru kaset maneh ana kendhala, kejaba ragat ya uga kesempatan sing cupet kanggo mrana-mrene.

Dadi, njur apa ya sing isa diaturake maneh ing laman iki? Wis pokoke idhep-idhep angon ati karo pamikir supaya ora mung bumpet dadi kukul lan penyakit, ya wis aku tak gliyak-gliyak maneh nulis sawernaning ubet liwering urip ing bebrayatan agung iki.

"Sawah kulon omah, ngarepake mangsa panen."

Pirang-pirang wektu iki aku lagi kerep jeprat-jepret kaya biyen maneh. Mripatku ana kalane sok nyawang kaendahaning alam sawegung. Ora adoh-adoh kok, barang sing endah sok malah mung seka sakiwa tengen ngomah utawa sadhengah papan panggonan ngendi wae. Awit aku rumangsa lan yakin, panyawang endah iku tuwuh saka ati kang ngorong marang kaendahaning Gusti kang akarya jagad satitah kabeh iki. Sing sapa ngerti marang kaendahan, tak kira ora bakal adoh karo sing yasa urip iki! []

Wednesday, March 04, 2015

Andum Berkah - "Pohon Rindang Berbunga Kasih Sejati"

Tuesday, November 04, 2014

Kinanti Sekar Rahina - Tari JAMPI GUGAT di Tugu Jogja (official video)

Friday, May 23, 2014

Tari Bambangan Cakil - Anucha Sumaman and Thabo Isaac Rapoo 2008

Sapandurat mbokmenawa ora ana sing istimewa saka video iki. Nanging yen pamirsa priksa sapa sing maragaake Bambangan lan Cakil ing video iki, dak kira banjur pada ngungun. Paraga Bambangan ing beksan Bambangan Cakil ini diselirani dening Anucha Sumaman, nom-noman saka Thailand. Dene sing maragaake Cakil yaiku nom-noman saka Afrika Selatan, Thabo Isaac Rapoo. Luwih-luwih yen uga nggatekake sing padha nabuh gamelan, ora liya uga nom-noman seka manca negara sing sakabehe lagi unjuk ketrampilan sawise digembleng sajroning 3 sasi rikala pada ambyuk ing Indonesian Arts and Culture Scholarship 2008.

Link video jangkep bisa dipriksani ing: http://www.youtube.com/watch?v=1zeFhhx7oZ8

Wednesday, September 25, 2013

Celtic Woman - Nella Fantasia

NELLA FANTASIA (In my fantasy)

Nella fantasia io vedo un mondo giusto,
Lì tutti vivono in pace e in onestà.
Io sogno d'anime che sono sempre libere,
Come le nuvole che volano,
Pien' d'umanità in fondo all'anima.

Nella fantasia io vedo un mondo chiaro
Lì anche la notte è meno oscura.
Io sogno d'anime che sono sempre libere,
Come le nuvole che volano.
Pien' d'umanità.

Nella fantasia esiste un vento caldo,
Che soffia sulle città, come amico.
Io sogno d'anime che sono sempre libere,
Come le nuvole che volano,
Pien' d'umanità in fondo all'anima.

Terjemahan (Jawa)

Ing pangangen-angenku aku weruh donya mung sajuga
Ing endi saben wong urip ing katentreman lan kejujuran
Aku duwe pangimpen ngenani suksma sing tansah merdika
Kaya mega sing ngawang
Kebak rasa kamanungsan ing telenging kalbu

Ing pangangen-angkenku aku weruh donya kang padhang
Ing ngendi saben wengi ana kurang peteng
Aku duwe pangimpen ngenani suksma sing tansah merdika
Kaya mega sing ngawang
Kebak rasa kamanungsan

Ing pangangen-angkenku ana angin kang anget
sumilir menyang kutha, pindha rowang
Aku duwe pangimpen ngenani suksma sing tansah merdika
Kaya mega sing ngawang
Kebak rasa kamanungsan ing telenging kalbu ***